MCT8 ඌනතාවය හෙවත් ඇලන්-හර්න්ඩන්-ඩඩ්ලි සින්ඩ්‍රෝමය සමඟ සම්බන්ධ පර්යන්ත තයිරොටොක්සිකෝසිස් තත්ත්වය සඳහා Tiratricol (Emcitate) ඖෂධයට ඇමෙරිකානු ආහාර හා ඖෂධ පාලන අධිකාරිය (FDA) අනුමැතිය ලබාදී ඇත.
MCT8 යනු තයිරොයිඩ් හෝමෝන සෛල තුළට ප්‍රවාහනය කිරීමට වැදගත් වන ප්‍රෝටීනයකි. මෙම ප්‍රෝටීනයේ ඇති දෝෂ හේතුවෙන් වර්ධනය වන මොළයට අවශ්‍ය තරම් තයිරොයිඩ් හෝමෝන ළඟා නොවන අතර, ශරීරයේ අනෙකුත් පටකවලට අධික තයිරොයිඩ් හෝමෝන බලපෑම් ඇතිවිය හැක.
Tiratricol මගින් මෙම පර්යන්ත පටකවල ඇතිවන අධික තයිරොයිඩ් හෝමෝන බලපෑම් පාලනය කිරීමට උපකාරී වේ. සායනික අධ්‍යයනවලදී තයිරොයිඩ් හෝමෝන සම්බන්ධ රසායනාගාර අගයන් මෙන්ම හෘද ස්පන්දන වේගය සහ රුධිර පීඩනය වැනි ඒ හා සම්බන්ධ මිනුම්වලද යහපත් වෙනස්කම් නිරීක්ෂණය වී ඇත.
කෙසේ වෙතත්, Tiratricol මගින් MCT8 ඌනතාවය සම්පූර්ණයෙන් සුව කිරීමක් හෝ දැනටමත් ඇතිවී තිබෙන බරපතළ ස්නායු ආබාධ නැවත යථා තත්ත්වයට පත් කිරීමක් සිදුකරන බවට සාක්ෂි නොමැත.
මෙම FDA අනුමැතිය අදාළ වන්නේ MCT8 ඌනතාවය සමඟ ඇතිවන පර්යන්ත තයිරොටොක්සිකෝසිස් තත්ත්වය පාලනය කිරීම සඳහාය.
